ما هي أهم مميزات العطر؟
وكيف تختار العطر المناسب لك ؟
إذا قد سألت نفسك: وش يميز عطر عن غيره؟ أو كيف أعرف العطر اللي يناسبني؟
فهذا المقال لك 👇🏼
لأن العطور ما هي بس “ريحة حلوة”، فيها تفاصيل تفرق كثير، وتخليك تختار صح وتنبسط أكثر.
وهنا بنشرح لك أهم 3 مميزات لازم تعرفها قبل تختار عطرك:
- الثبات
الثبات يعني كم يجلس العطر واضح على جسمك أو ملابسك.
فيه عطور تثبت من ٤ إلى ٨ ساعات، وبعضها يطول أكثر، خصوصًا اللي مكوناتها خشبية أو فيها عمق مثل العود والعنبر.
لكن لو العطر ناعم وزهري أو منعش؟
زي العطور الحمضية أو الزهرية الخفيفة؟ غالبًا يكون ثباتها أقل، لأنها ناعمة وتناسب الأجواء الصيفية.
وغير كذا،
فيه فرق حسب تركيز العطر:
- Parfum = أعلى تركيز وثبات قوي
- EDP (Eau de Parfum) = ممتاز للثبات اليومي
- EDT (Eau de Toilette) = أخف وثبات أقل
كل ما زاد التركيز، زاد الثبات غالبًا.
- الفوحان
الفوحان هو مدى انتشار ريحة العطر حولك.
هل الناس يشمون العطر وأنت تمر؟ ولا لازم يقربون منك؟
بعض العطور تفوح من أول رشة، وبعضها تكون ناعمة ما تنكشف إلا إذا قرب أحد منك.
الفوحان يتأثر بالمكونات:
- العطور الخشبية والتوابل غالبًا تفوح بسرعة، لكنها أحيانًا تكون مزعجة بالصيف
- العطور الحمضية أو الزهرية غالبًا تكون ناعمة ومنعشة، تفوح بهدوء بس تحس فيها
فالوقت والمكان والموسم يفرقون كثير باختيارك لعطر فواح.
. الإطراءات
صدق أو لا تصدق؟
كثير ناس يقيسون نجاح العطر بـ:
“كم مرة أحد سألني: وش العطر اللي حاطه؟”
إذا عطرك دايم يجيب لك إطراءات؟
يعني فخم، محبوب، وملفت للناس.
ومو بس كذا، بعض العطور تخلي الناس يتلفتون لك أو يسألونك مباشرة، خصوصًا إذا كانت فريدة أو مختلفة عن الشائع.
خلاصة الكلام:
إذا بتدور على عطر يرضيك، ركز على ثلاث أشياء:
- ثباته: كم يجلس؟ وهل يناسب جوّك؟
- فوحانه: ناعم أو قوي؟
- ردّة فعل الناس: هل يخليهم يسألونك وش حاط؟
وإذا تبي ترتاح من الحوسة، حنا في فن الدقة اخترنا لك عطور ثابتة، فواحة، وجربها أكثر من 7500 عميل.
📌 شوف العطور الأكثر مبيعًا عندنا 👇